தியானம் :"இயேசு கிறிஸ்து பெரியவர்."

தியானம் :"இயேசு கிறிஸ்து பெரியவர்."

அன்பில் பெரியவர்,ஞானத்தில் பெரியவர்,பெலத்தில் பெரியவர்,யோசனையில் பெரியவர்.

கர்த்தர் பெரியவர்.

நீ சந்திக்கிற எல்லாப் பிரச்சனைகள்,தேவைகள்,வியாதிகள்,பலவீனங்கள்,போராட்டங்கள் எல்லாவற்றைக் காட்டிலும் கர்த்தர் பெரியவர் என்று அறிக்கையிடும் போது கர்த்தர் நிச்சயம் உன் எல்லா சூழ் நிலைகளையும் மாற்றுவார்.

1. சகல தேவர்களைக் காட்டிலும் பெரியவர்.

சங்கீதம் : அதிகாரம் 135 : 5 

 கர்த்தர் பெரியவர் என்றும், நம்முடைய ஆண்டவர் எல்லா தேவர்களுக்கும் மேலானவர் என்றும் நான் அறிவேன்.

2. ஆபிரகாமைக் காட்டிலும் பெரியவர்.

யோவான் : அதிகாரம் 8 : 58 

 அதற்கு இயேசு: ஆபிரகாம் உண்டாகிறதற்கு முன்னமே நான் இருக்கிறேன் என்று மெய்யாகவே மெய்யாகவே உங்களுக்குச் சொல்லுகிறேன் என்றார்.

3. தேவாலயத்திலும் பெரியவர்.

மத்தேயு : அதிகாரம் 12 : 6 

 தேவாலயத்திலும் பெரியவர் இங்கே இருக்கிறார் என்று உங்களுக்குச் சொல்லுகிறேன்.

4. யோனாவிலும் பெரியவர்.

மத்தேயு : அதிகாரம் 12 : 41 

 யோனாவின் பிரசங்கத்தைக் கேட்டு நினிவே பட்டணத்தார் மனந்திரும்பினார்கள். இதோ, யோனாவிலும் பெரியவர் இங்கே இருக்கிறார். ஆதலால் நியாயத்தீர்ப்புநாளிலே நினிவே பட்டணத்தார் இந்தச் சந்ததியாரோடெழுந்து நின்று இவர்கள்மேல் குற்றஞ்சுமத்துவார்கள்.

5. சாலொமோனிலும் பெரியவர்.

மத்தேயு : அதிகாரம் 12 : 42 

 தென்தேசத்து ராஜஸ்திரீ பூமியின் எல்லைகளிருந்து சாலொமோனுடைய ஞானத்தைக் கேட்க வந்தாள். இதோ, சாலொமோனிலும் பெரியவர் இங்கே இருக்கிறார். ஆதலால் நியாயத்தீர்ப்புநாளிலே அந்த ராஜஸ்திரீ இந்தச் சந்ததியாரோடெழுந்து நின்று இவர்கள்மேல் குற்றஞ்சுமத்துவாள்.

6. இருதயத்திலும் பெரியவர்.

I யோவான் : அதிகாரம் 3 : 20 

 நம்முடைய இருதயமே நம்மைக் குற்றவாளிகளாகத் தீர்க்குமானால், தேவன் நம்முடைய இருதயத்திலும் பெரியவராயிருந்து சகலத்தையும் அறிந்திருக்கிறார்.

7.உங்களிலிருக்கிறவர் பெரியவர்..

I யோவான் : அதிகாரம் 4 : 4 

 பிள்ளைகளே, நீங்கள் தேவனாலுண்டாயிருந்து, அவர்களை ஜெயித்தீர்கள்; ஏனெனில் உலகத்திலிருக்கிறவனிலும் உங்களிலிருக்கிறவர் பெரியவர்.

கர்த்தராகிய இயேசுகிறிஸ்துவினுடைய கிருபையும், தேவனுடைய அன்பும், பரிசுத்த ஆவியினுடைய ஐக்கியமும், உங்கள் அனைவரோடுங்கூட இருப்பதாக. ஆமென்.